<< Back

GESTOLDE HASELNEUT- EN MARSCAPONE-GROENTEVORM

(Berei reeds vorige aand voor)

100g McCain Carrots Julienne 100g McCain Broccoli Cuts

150ml seldery, dun en diagonaal gesnipper 10g (1 koevertjie) gelatien

180ml verhitte groente- of hoenderaftreksel 45ml koue water

250g Marscaponekaas 1–3 huisies knoffel, gesnipper

100g haselneute, gerooster en velletjies afgevryf 4 heel sprietuie, dik gesny

125ml basiliekruidblare

geurmiddels: kruiesout en gemaalde swartpeper na smaak

Berei McCain groentes voor volgens aanwysings op verpakking en plaas in mengbak. Sny groter groentes kleiner sodat dit eenvormig is. Blansjeer seldery, voeg by groentes en sit opsy. Laat gelatien in koue water spons en voeg dit dan by warm aftreksel. Roer tot opgelos en sit opsy. Verwerk res van bestanddele (hou ‘n paar neute uit vir garnering) tot syglad. Voeg mengsel by groentes, giet gelatienmengsel in en meng goed. Voer ‘n klein broodpannetjie (of ander geskikte houer) uit met kleefplastiek, spuit met olyfoliesproei en plaas mengsel daarin. Laat 4 uur in yskas staan of tot dit ferm is. Dop uit op ‘n bord, verwyder plastiek en garneer. Bedien as voorgereg met Melba roosterbrood of met ‘n kraakvars slaai en volgraanbroodjies as ‘n ligte maal.

Published: 16th August 2010 by